‍

甚麼是地腳線? 地腳線是指室內牆體下方容易被腳踢損壞，被掃把、拖把等弄污而特意在牆角設置的裝飾線條，一般是用瓷磚、石材以及木板等材料鋪貼，亦有極少部分地區直接用水泥直接抹上。

地腳線作用、地腳線高度及地腳線顏色

1.防止牆體因外力碰撞造成變形同損壞

屋企內設置地腳線：

●     防止牆體被整污漕外；

●     令牆體同地面之間結合得更加穩陣，防止牆體因為外力碰撞而造成變形同損壞；

●     地腳線應用瓷磚石塊等，極易抹洗。

2.地腳線高度

為咗較好嘅視覺效果，地腳線嘅設置要根據比例同功能性。一般嘅地腳線高度係3~4寸高。

●     低於3寸的話，比例會唔對稱，

●     高於4寸的話，就會顯得過於醒目。

3.地腳線顏色選擇

地腳線顏色可根據不同地方進行選擇：

●     地腳線一般比地板顏色要深，可以有對比性，顯出效果，但要同牆匹配。

●     如廚房同睡房嘅地腳線一般都唔同，睡房係私密空間，而廚房係以功能為主，極易整污漕，所以大多情況下，佢地嘅顏色會唔同，當然大空間同細空間會唔一樣。

●    細空間嘅地腳線一般要比大空間低小小。